اولا قولوا لا اله الا الله
ثانيا صلوا على رسول الهدى
(صلى الله عليه وسلم)
ندخل بقى فى موضوعنا
انا عارفة ان فيه بنات كتير وستات اكتر نفسهم يلتزموا ويقربوا من ربنا اكتر واكتر
لكن شوية يقربوا وشوية يبعدوا
وشوية تكون الاحوال تمام وشوية الاحوال مش تمام والاحساس بالذنب يشتغل جامد!
وتقعدى تقولى فى نفسك والله ما انا كنت كويسة وحاسة بايمان واحاسيس حلوة ايه اللى حصلى!!!
وايه اللى خلانى ارجع خطوات لورا...!!!!
بيحصل الكلام ده ولا ما بيحصلش ؟؟؟؟
بيحصل طبعا وانا اولكم فى السيناريو ده
طب ايه الغلط اللى احنا بنعمله وبيخلينا حبة فوق وحبة تحت
السبب ان احنا معندناش استراتيجية!!!
لا لا مش هدخل فى السياسة ولا الكلام الملعبك
لكن ببساطة انا احنا ماشين بدون نظام ولا system
1-لازم تحطى فى بالك ان الالتزام ده نعمة ومنة من ربنا لازم تطلبيها من ربنا وتلحى فى الطلب
وكمان لازم تحسى انها محتاجة مجهود وانك بالتزامك هتعيشى احلى حياة
بس تلتزمى صح بدون تعقيد!!
2-لازم تهتمى بمظهرك كويس اووى
مش معنى انك التزمتى يعنى خلاص بقيتى متقشفة وزاهدة فى الحياة
ومش قصدى ان لبسك يكون مخالف لاوامر الشريعة
واسع فضفاض لايكون زينة نفسه يستر العورة تماما
وسواء كنتى منتقبة او لأة لبسك يكون نظيف مكوى وريحته حلوة(من غير بخور ولا برفانات لوسمحتم)
يعنى تكون ماشية بربرق من النظافة والهندمة:
خلى بالك ده بيديكى ثقة بنفسك جدا وبيدى اللى قدامك انطباع حلو عن الالتزام
ومعلش الاغراءات فى زمانا بالهبل فى حكايات اللبس والشيطان
ضاحك علينا على الاخر وبنتحايل على الحجاب بطرق عجيبة قال ايه محتشم
وهو ابعد ما يكون عن الحشمة والستر!!
وخلى بالك كمان الاندر وير يكون نظيف وستايل كده
ممكن تقولوا عليه البت دى اتهبلت اقولك لا
جربى كده تلبسى اندر وير حلو كده وياريت بنطلون كمان تحت لبسك للتستر ولو اى حاجة حصلت ووقعت لضمان الستر يعنى
هتلاقى شعورك مختلف خالص وحاسة انك مرتاحة نفسيا ومبسوطة!
3-لازم تتعلمى وتطلبى العلم
يعنى ايه
يعنى مش معنى انى عايزة التزم انى اصلى الصلاة فى وقتها واصلى السنن وصلاة الضحى ويبقى ليه
قران كل يوم
واتفرج على برامج دينية والبس نقاب او حجاب محتشم وخلاص
انا كده مبقاش ملتزمة
لا انا كده بدأت ألتزم ودى نعمة من ربنا طبعا وبدأت اخش فى جو الايمان
لكن لا انا عارفة عن ربى شىء(جل فى علاه) صفاته ....اسماؤه الحسنى....افعاله
من النبى وليه هوه رحمة للعالمين
وايه اللى فى السيرة ممكن استفيد منه واقرأ بتأنى وتدبر احاديث الرسول(صلى الله عليه وسلم)
مش الكلمتين اللى كنا بناخدهم فى ابتدائى واعدادى ونحفظهم ونرصهم فى اى مناسبة
لا لا الموضوع اعمق من كده بكتير
(وافتكرى دايما ان احنا امة اقرأ-وانه اول امر الهى نزل من الوحى على نبينا العظيم الكريم
-صلى الله عليه وسلم)
للاسف كتير مننا الا ما رحم ربى ما اتربوش تربية دينية
وكمان فيه اللى اتربى تربية دينية بس بتعتنى اكتر بالعبادات واشكالها بس!!
بعيد عن ربط احساسك بربنا والنبى
يعنى ايه كل يوم الصبح تبصى فى السما وتقولى ساعدنى يارب انى اكون امة صالحة النهاردة واعمل اللى يرضيك
يعنى ايه قبل ما تنامى تقولى فى نفسك...يا ترى يارب انت راضى عنى
وتبدأى تحمدى ربنا على اللى عملتيه صح وتستغفريه على اللى عملتيه غلط!!!
يعنى ايه تبقى مرتبطة بالنبى وجدانيا
بتحبيه وبتوقريه ولما تصلى عليه...عينك تدمع وتقولى فى سرك
(يا حبيبى يارسول الله....اشتقت الى رؤياك)
اذا لم يعمل المقطع فاضغطي هنا
ولما حد يجرحك ولا يقولك كلمة وحشة
تحسى ان النبى بيقولك فى ودنك بصوته العذب(من كان يؤمن بالله واليوم الاخر فليقل خيرا او ليصمت)
طب واخبارك مع القران ايه!!!
بتقولى كلام لا انتى فاهماه ولا حاساه ولا عارفة المقصود منه ايه
واهم حاجة انا قرأت كام جزء النهاردة(مش معنى كده اللى هيقرأ القران مش هياخد ثواااااااب كبير)
لكن هل اصبحت اخلاقك قرانية اصبحتى وقافة عند حدود الله
اية تؤلمك وتشعرك بالتقصير
اية تمنيك بالجنة وتطير روحك شوقا لها
واية تانية تثير خوفك من الله ومن غضب وعذاب الله!!
كتاب التفسير الموضوعى لمحمد الغزالى وكتاب
ايسر التفاسير لابو بكر الجزائرى رائع فى تبسيط المعانى وفهم القران بطريقة ممتعة!!
اظن ان كتير مننا مش حاسين بالمعانى دى
واحساسك ان ياسلام انا بصلى اهوه
دا انا تمام التمام
لا لالالالالالالالالالالا
مش صح!!!!
4- مش معنى انك هتتعمقى فى الدين وتتعلميه صح وتبدأى تقرأى قران وكتب دينية
انك تنسى صحتك النفسية وتنمية ذاتك وتطويرها
الكلام ده مهم جدا وعن تجربة
لازم تمشى تطورك فى الالتزام مع تطور نفسيتك وشخصيت وتبقى شخصيتك متوازنة اكتر واكتر
كل ما بقيتى متوازنة كل ما احساسك بالتزامك هيبقى احلى واحلى
يعنى تعرفى ازاى ابقى واثقة من نفسك
ازاى تديرى وقتك صح
ازاى تبقى ايجابية وفعالة
ازاى تبقى لبقة فى كلامك وشخصيتك جذابة
ازاى تتغلبى على مشاكلك وتخططى لحياتك
(كتاب امرأة من طراز خاص-كتاب رائع جدا وممكن تحمليه من مكتبة فتكات هيفيدك لانه رابط الدين بالدنيا ورابط الاسلام بتطوير الشخصية)
(كتاب جدد حياتك لمحمد الغزالى-رائع بمعنى الكلمة ويستحق القراءة بتعمق شوية)
وكتب تانية كتير ومحاضرات تحمليها من على النت وتبدأى تغيرى من نفسك صح!!
صدقونى ده مهم جدا جدا وهيفرق معاكى خالص وهيعيشك الحياة صح
وحياتك بتوازنها ده هيبقى قدوة لاخوات حواليك وهيحسوا معاكى
يا سلام ما هو الالتزام طلع حلو خالص والبت ما شاء الله عليها بعد الالتزام بقت عسولة اوى وحبوبة
يعنى انتى كده هتكونى داعية الى الله بكل سهولة وبدون كلام
تبقى متوازنةفى كل حاجة
فى تدينك فى علاقتك بالناس فى اهتمامك بصحتك بجمال
فى انفاقك للفلوس ان يكون ليكى هوايات انك تكونى منظمة نومك وبتتغذى صح وشوية رياضة كمان
المؤمن القوى يكون قوى فى شتى نواحى الحياة
وده هيكون عزة ليكى ولدينك اللى انتى بتمثليه!!
5-ياريت ياريت تمارسى عبادات
ية
ما يبقاش كل تركيزك على عبادات الجوارح (عبادات الجوارح فروض لازم نأديها ونتقن اداءها)
لكن منخليش الصوفيين يضحكوا علينا ويقولوا دى مشاعر المتدينين وخصوصا السلفيين دى جافة
احنا مشاعرنا بتهفهف ودول ناس عايشينها دقون ونقاب وتشدد وخلاص!!!
لا العبادات ال
ية اللى وصفها ابن القيم فى كتاب مدارج السالكين
واللى ناس عابوا انه كتاب يقترب من كلام الصوفية
ولكنه كتاب عن حب الله يشرح عبادات ال
من واقع انه مارسها ويريد للاخرين ان يشعروا بها ويتلمسوا الطريق
اليها...لكنه كتاب صعب لكن مشايخنا الكرام قاموا بالواجب جزاهم الله خيرا
سواء الفرافير منهم(عمرو خالد-مصطفى حسنى-عمرو مهران)
معلشى انا مسمياهم كده بس من باب الدعابة لكنى بعزهم جدا وباسمعهم وبتأثر بيهم ومتابعة برامجهم باستمرار
لكن المسائل الخلافية معاهم كالموسيقى والتدرج فى المعاصى ما بخدش بيها
ومشايخنا الكبار فى المقام والسن ولهم كل الاحترام تناولوا برضه
زى الشيخ محمد حسين يعقوب
والعبادات ال
ية زى التوبة-التوكل-الانابة-الاخبات-الانكسار لله
وبصراحة انا من زمان كنت سمعت لعمرو خالد سلسلة فى العبادات ال
ية وعجبتنى اوووى
واثرت عليه جامد
وخلتنى احس بحاجات جميلة اووى
وحاولى تخشعى فى الصلاة بجد وتسمعى وتقرأى عن الموضوع ده وتنفذى اللى بتقرأيه!!
(كتاب اول مرة اصلى لخالد ابو شادى رائع فى الموضوع ده وفيه محاضرات كتير
فى الموضوع ده بس فيه شيخ اسمه مشارى الخراز عامل سلسلة رائعة للموضوع ده وكنت شفته هنا على فتكات!!)
وياريت تصلى ركعتين قيام ليل وبتأنى وبالراحة
ربنا هيرزقك نور وحلاوة ايمان لكن بعد مثابرة عليها ومحاولة منك ان يكون هذا الوقت من الليل وهادى لتختلى برب العالمين وتناجيه !!
6-لازم تكون اخلاقك بتعكس مستوى ايمانك
مينفعش تبقى بتعملى عبادات كتير بالجوارح واخلاقك سيئة او بعيدة عن الالتزام
صدقينى انتى داعية الى الله باخلاقك وفهمك لمكارم الاخلاق التى جاء نبينا الهادى ليتممها
(صلى الله عليه وسلم)
(كتاب خلق المسلم - لمحمد الغزالى هيساعدك فى فهم النقطة دى بطريقة هايلة وجميلة !!)
ولما تتعاملى مع حد ملتزم فى بعض الجوانب زى لبسه وعباداته وتلاقى أخلاقه وكلامه غير منضبط ما تلوميش الدين ولا الالتزام!
لكن الشخص نفسه لسه عايز يتفقه وياخد دينه كلهone package
ربنا يهدينا يارب لاحسن الاقوال والافعال والاخلاق
لا يهدى لاحسنها الا هو سبحانه صاحب كل فضل ومنة
7- لازم يكون ليكى صحبة صالحة تعينك وتقويكى على مواصلة الطريق
ممكن تكون الصحبة اخواتك قرايبك صحباتك فى الكلية او فى الشغل
وتتعاهدوا مع بعض على طاعة تعملوها او درس تحضروه او سورة تحفظوها او صدقة تطلعوها
الصحبة بتشجع انك تواصلى التزام
8-ودى النقطة الاخيرة التدرج
يعنى متبقيش ابيض خالص
وبعدين تخشى هجوم مسلح
بالراحة وشوية شوية ....يعنى تطلعى السلم واحدة واحدة!!
وكل مرحلة تاخدلها شهر شهرين ولما تحسى انك ثبتى حاجات معينة فى علاقتك بربنا تبدأى فى حاجة تانية
وكل فترة حاولى تسمعى محاضرات عن الثبات وكيفية الاستمرار بنفس المستوى الايمانى
الكلام ده بيفيدك جدا وكمان ازاى تعالجى فتورك فى العبادة
لان الايمان ينقص ويزيد
فلازم كل شوية تشحنى نفسك ايمانيا بدروس علم او كتب اللى بتتناول الموضوع ده!!
وربنا يهدينا جميعا ويرزقنا حسن الخاتمة
اللهم صرف قلوبنا على طاعتك واتباع نبيك كما تحب وترضى
اللهم ادخلنا برحمتك فى عبادك الصالحين المخلصين
رزقنى الله واباكم الاخلاص فى القول والعمل
وان ندخل الجنة بغير حساب ولا سابقة عذاب
ما اصبت فيه فمن الله
وما اخطأت فيه فمن نفسى ومن الشيطان
وبالله انى احبكم فى الله
اذا لم يعمل المقطع فاضغطي هنا
النشيد ده بيوضح بالضبط كل اللى عايزة اقوله!!
التقييم لو سمحتم لاحسن ازعل بجد واديها عياط!!
ما تخلونيش اعيط ....نفسى اكبر عدد من البنات يشوفه ويستفيدوا منه ولو كلمة!
وعلى فكرة الكلام ده بوجهه لنفسى قبل ما اوجهه ليكو لانى لسه بتلمس الطريق ونفسى اعبد ربنا واكون امة صالحة بجد وباخلاص!!
ربنا يهدينى ويهدى كل عاصى !!
ودعوة حلوة كده ليه ولامى ولكل حبايبى
ودعوة لابى ان يغفر الله له ويرحمه رحمة واسعة هو وجميع المسلمين والمسلمات
الاحياء منهم والاموات
،
،
،
،
دمتم فى رعاية الله
منقوووووول
وزوار المنتدى
♥|تٌعُرًفًتََعُلًيَكُمًـ منٌ *:
